Schiaparelli në Javën e Modës në Paris ka trazuar modën. Kylie Jenner mori vëmendjen e të gjithëve me veshjen e saj. fustani i gjatë i zi bust, pa asnjë zbukurim veç rrudhave u kombinua nga 25-vjeçarja me kokën gjigande të një luani në krahun e djathtë e cila dukej thuajse e vërtetë.
“E bukura dhe bisha. Faleminderit Daniel Roseberry dhe Schiaparelli për një mëngjes kaq të veçantë. Më pëleu shumë të mbaja këtë vepër arti të krijuar me dorë duke përdorur materiale të prodhuara nga njeriu”, shkroi Jenner në postimin e saj në Instagram.
Kjo gjetje origjinale mblodhi reagime të shumta nga ndjekësit që e akuzuan për “lëndim ndaj kafshëve” dhe “gjueti”. Të tjerë u shprehën se paçka se është një imitim, pamja të ngjall shqetësim.
Marka Schiaparelli ka bërë të ditur në rrjetet e saj sociale se asnjë kafshë nuk është vrarë për të realizuar Inferno Couture. Leopardi, luani dhe ujkonja përfaësojnë epshin, krenarinë dhe kopracinë në alegorinë e Dante.
