Edhe pse PD-ja pritet që të shkojë në zgjedhjet lokale të 14 majit me dy grupe, të paktën deri më tani gjuha e përbashkët që të dilnin me një kandidat nuk është gjetur.
Anëtari i Këshllit Kombëtar të Partisë Demokratike, Aleksandër Biberaj thotë se gara ndaj kryebashkiakut, Erion Veliajt do të jetë e vështirë, por Tiranën do ta fitojë PD-ja. Në një intervistë për ”Euronews Albania”, Biberaj tha se Veliaj është tej i konsumuar.
”Unë kam bindjen dhe garancinë që ne do ta fitojmë garën për Bashkinë e Tiranës. Është i tej konsumuar, duket sikur ka pushtetu sepse ka para, por qytetarët e Tiranës, mendoj që do t’i tregojnë vendin, do të reagojnë”, theksoi ai.
