Gjykata e Tiranës ka liruar 39 qytetarë, të arrestuar gjatë katër ditëve të protestave.
Ata janë liruar ditën e sotme dhe Prokuroria ka kërkuar masën e sigurisë “detyrim paraqitje”, përveç një personi me probleme të shëndetit mendor.
Prokuroria i ka proceduar veç për dy akuza “Pengim qarkullimi” dhe “Prishje të qetësisë publike”. Dje dolën para Gjykatës 5 protestues për të cilët u vendos gjithashtu masa e sigurisë “detyrim paraqitje”.
Avokatja Adriana Kalaja, thotë se këto janë arrestime me urdhër politike për të ushtruar presion ndaj atyre që kërkojnë të drejtat kushtetuese nëpërmjet protestës.
