Manchester City u eliminua mbrëmjen e djeshme nga Champions League, pasi u mund nga ruleta e penalltive. 3-3 përfundoi dueli i parë në Madrid, ndërkohë që në ishull u mbyll në barazim 1-1. Me skuadrat që iu drejtuan shtesës dhe më pas penalltive.
Trajneri i “qytetarëve”, Pep Guardiola uroi kundërshtarët për kualifikimin në prononcimin e dhënë pas ndeshjes.
“Përgëzime Realit për aftësinë e tyre për t’u mbrojtur dhe për të rezistuar deri në fund. Ata bënë shumë mirë, ndërsa ne nuk arritëm objektivin tonë. Na munguan detajet e fundit për të fituar.
Në tri ndeshjet e fundit këtu kemi luajtur shumë mirë. Në ‘Santiago Bernabeu’ nuk luajtëm njësoj. Kjo është ajo që mund t’u kërkoj lojtarëve: që të luajmë si këtu”, tha strategu spanjoll.
