Trajneri i Real Madrid-it, Carlo Ancelotti, foli për mediet pas barazimit 2-2 në “Allianz Arena”kundër Bayern Munich, në gjysmëfinalen e parë të Champions League. Strategu italian u shpreh se Bayern ishte në nivelin më të lartë se skuadra e tij.
“Në fund të ndeshjes ne kishim më shumë energji, pasi ata kishin vrapuar më shumë se ne. Jemi gjysmë të kënaqur me lojën që bëmë, pasi Bayern-i luajti në nivelin më të lartë të mundshëm, ne jo.
Toni Kroos? E kotë të shpenzosh fjalë për të, ai është një njeri i mrekullueshëm. Ai bën gjithçka mirë dhe asistimet për Vinicius janë super. Lëvizja para golit ishte gjithashtu e pabesueshme”, deklaroi Carlo Ancelotti.