Në programin qeverisës ”Rama 3”, një pikë e rëndësishme është dhe Integrimi në BE, ku thuhet se ”Vit pas viti kemi përparuar në mënyrë të qëndrueshme në të gjithë prioritetet e vendosura nga BE. Si rezultat i këtyre arritjeve, në mars 2020 Bashkimi Europian mori vendimin për të hapur negociatat e anëtarësimit me Shqipërinë, hapi i fundit përpara integrimit me të drejta të plota”.
Sipas programit, mbajtja e Konferencës së parë Ndërqeveritare për integrimin në BE dhe ndjekje e rekomandimeve për çdo etapë.
”Çojmë përpara nismën ”Ballkani i Hapur”, vijojmë punën për të ndjekur zbatimin e 3 marrëveshjeve të lidhura në takimin e datës 29 korrik 2021 midis Kryeministrit Rama, Kryeministrit Zaev dhe Presidentit Vuçiç, por edhe për të eksploruar mundësi të reja bashkëpunimi mes 3 vendeve pjesëmarrëse”,-thuhet më tej në programin qeverisës që do të prezantohet nesër në Kuvend.
