Kreu i inteligjencës ushtarake ukrainase, gjenerali Kyrylo Boudanov, në një intervistë të botuar sot në gazetën Le Monde, një vit pas fillimit të luftës ruse në Ukrainë, jep lajmin e shumëpritur.
”Rusia do të detyrohet të tërheqë trupat e saj nga territori ukrainas nën presionin ushtarak, nën presionin e proceseve të brendshme politike dhe nën presionin e diplomacisë ndërkombëtare, përndryshe kjo do të çojë në rënien e regjimit. Nuk ka zgjidhje tjetër”,-tha ai.
Për gjeneralin ukrainas, realiteti është se pas një viti lufte, Rusia nuk ka më ushtrinë që kishte në fillim të konfliktit, më 24 shkurt 2022.
