Ish-deputeti i PD-së, Xhemal Gjunkshi ka publikuar në facebook pamje nga bllokimi i ”Rrugës së Arbrit”, që për ironi sot u bë dhe inagurimi. Gjunkshi thotë se qindra qytetarë janë bllokuar nga një breshër dhe është shkaktuar kaos ndërsa shton se kjo është qeveria e show-ve.
Postimi i plotë
Me padurim e pritën sot Dibranët hapjen e Rrugës së Arbrit dhe ashtu sikurse shumëkush edhe unë si Dibran do doja të ndihesha i gëzuar që u arrit të hapej një segment i rrugës.
Por, nuk mjaftuan vetëm disa orë nga inagurimi pompoz i 350 milionë Eurove të harxhuar nga taksapaguesit shqiptarë që kjo rrugë të bllokohej dhe të krijohet kaos.
Me qindra qytetarë janë bllokuar në këto momente në aksin e sapo hapur, nga Tirana deri në Fshatin -Fshat (Klos). Kjo është Qeveria e Show-ve e reklamave dhe tamtameve.
Qeveria të marre masa urgjente dhe të garantojë sigurinë e jetës të qindra qytetarëve, familjareve të cilët po qëndrojnë në kushte mjaft të vështira të dëborës, ngricës dhe acarit.
