Qeveria ”Rama 3” ka një plan se si mund ta zbusë varfërinë në 6 vitet e ardhshme. Në funksion të këtij plani do të vihen 233 miliardë lekë. “Nevoja për t’ju drejtuar me një strategji, qeverisë i lind sepse kur të dalin statistikat zyrtare numri i popullsisë së varfër do të shohim që ky nivel do të jetë rritur”, shprehet Suzana Guxholli, eksperte e ekonomisë.
Ndalur në zërat kryesor, buxheti për strategjinë do të ndahet në dy drejtime, duke përfshirë dhe sektorë të veçantë. Për zbutjen e varfërisë, strategjia do të përqendrohet tek ndihma financiare e personave në nevojë, reforma për fushën me aftësi të kufizuar, hartimi i programeve për fëmijët në nevojë.
Përtej varfërisë pjesa e mbetur do të shkojë për decentralizimi e shërbimeve të kujdesit social, zgjerimin e personelit për këto sektor, deinstitucionalizmi e shërbimeve të kujdesit rezidencial. Është 9% e popullsisë përfituese nga programi i ndihmës ekonomike sipas strategjisë, 64,000 familje në vitin 2022 me 226.530 individë anëtarë.
