Jo vetëm me gomone si emigrantë, por shqiptarët zgjedhin Londrën edhe si destinacion turistik gjatë fundjavës. Kompanitë turistike, thonë se kohët e fundit janë shtuar kërkesat e qytetarëve që zgjedhin kryeqytetin britanik për turizëm.
“Prej fillimit të fluturimeve direkte ne disa destinacione fluksi ka qenë i shumtë. kemi lëvizjë të lira drejt Europës, kërkesa pa fund për të vizituar Britaninë e madhe. tashmë është bërë normale që klientët duan të udhëtojnë drejt Britanisë ose në Londër”, theksoi Aurela Baholli.
Vetëm në një agjenci, gjatë një muaji nisën mesatarisht 90 turistë, për udhëtime 2 deri në 3 ditorë në Londër, kryesisht fundjavave. Maldivet është një tjetër destinacion, i cili është bërë më i preferuar për shqiptarët.
Sa i takon turistëve të huaj që kanë ardhur në Shqipëri, edhe për ketë vit, pritet të kemi shifra të kënaqshme. Sipas INSTAT, numri i shtetasve shqiptarë të dalë nga Shqipëria në vitin 2022 është 5.882.007 duke u rritur 40,4%, krahasuar me vitin e mëparshëm.
