Në një kohë që emigrantët shqiptarë janë sipas autoriteteve britanike një problem, ndaj tyre dhe rrugës së emigracion ilegal po merren masa. Sipas mbi 50 deputetëve, një ndryshim i ligjit do të mundësonte lehtësimin e situatës me emigracionin ilegal.
Një zëdhënës i “Home Office”, Ministrisë së Brendshme dhe Emigracionit, thanë se ministrja Suela Braverman “po punon ditë e natë për ta zgjidhur këtë çështje, përmes hartimit të legjislacionit që do të frenonte kalimet ilegale përmes La Manshit”.
Po kështu në letrën drejtuar Rishi Sunak, deputetët e cilësojnë këtë si nyjen gordiane e cila duhet këputur. Sipas deputetit Davis, autoritetet e azilit nuk e interpretojnë ligjin në mënyrë korrekte. Home Office thotë se “ne po përshpejtojmë rikthimin e individëve përmes marrëveshjeve të veçanta bilaterale me partnerët tanë si Shqipëria, duke e konsideruar këtë si një nga prioritetet kryesore të politikës sonë të jashtme”.
Nuk dihet ende nëse autoritetet shqiptare do të vazhdojnë si deri më sot të pranojnë rikthimin e shqiptarëve nga Britania me avionë charter në Tiranë, pas këtij ngërçi në marrëdhëniet dypalëshe.
