Pauza e kombëtareve nuk sjell aspak lajme të mira për Milanin. Pas Theo Hernandez, edhe Maignan do të duhet të mungojë për një kohë të caktuar për shkak të një dëmtimi.
Franca ka konfirmuar se Maignan ka pësuar një dëmtim, i cili nuk do e lejojë portierin që të luajë në ndeshjen e Champions League kundër Chelsea-t në “Stamford Bridge” që do të zhvillohet më 8 tetor.
Nga mediet italiane raportohet se Maignan do të mungojë për disa javë, që do të thotë se ai nuk do të luajë kundër Empolit, as Juventusit muajin e ardhshëm.
Rikthimi i tij është parashikuar për ndeshjen e 16 tetorit kundër Veronës, ndërkohë që vendin e tij për momentin do ta marrë portieri Tatarusanu.
