Çfarë moti do të ketë sot dhe neser në Kosovë

Instituti hidrometeorologjik i Kosovës ka njoftuar se gjatë këtyre dy ditëve të ëikendit vendi ynë do të jetë nën ndikimin e masave të ajrit me origjinë nga veriu.

Instituti thotë se si pasojë e depërtimit të këtyre masave të ajrit do të ketë ulje në fushat termike në të dy vlerat ekstremale, gjithashtu pritet të ketë reshje shiu dhe bore.

“Temperaturat minimale do të lëvizin ndërmjet -1 deri 0 gradë Celsius, ndërsa maksimalet e ditës parashihet të lëvizin ndërmjet 4 – 7 gradë Celsius. Do të fryjë erë kryesisht nga verilindje dhe veriperendimi me shpejtësi1 – 8m/s”, thuhet në njoftimin e ketij instituti.