Ndërmarrjet serbe çojnë ligjin për Trepçen në arbitrazh

Kosova E Mërkurë, 5 Maj 2021 09:55

Disa firma nga Serbia tashmë kanë njoftuar se kanë vendosur që të ‘drejtat e veta’ për Trepçën e cila, thonë ato, u ka borxh – t’i realizojnë përmes Gjykatës së Arbitrazhit.

Kështu, pas ndërmarrjeve ‘Železnice Srbije’ (Hekurudhat e Serbisë) dhe ‘Tigar’ i Pirotit, kanë paralajmëruar se do të veprojnë edhe ‘ELEKTROKOSMET’ dhe ‘EPS’.

Këto ndërmarrje, siç shkruan “Veçernje Novosti“, thonë se Trepça u ka borxh 300 milionë euro dhe për këtë arsye, thonë ato, Ligjin për Trepçën do ta dërgojnë në Gjykatën e Arbitrazhit, ndërsa pas kësaj edhe në Odën Tregtare ndërkombëtare në Paris.