Na doli edhe Zverneci grek?! Një investim strategjik turistik zbeh turizmin në Korfuz, ndaj reagon Greqia

Ministria Greke e Punëve të Jashtme shpreh shqetësimin e saj të fortë për incidentet e rënda që ndodhën të shtunën (30 maj 2026) në Zvernec të Shqipërisë.

Se çfarë pune ka Greqia në Zvernec, kjo nuk ka asnjë lidhje me thelbin e deklaratës. Nëse Athina zyrtare interesohet dhe dënon mënyrën e dhunshme të policisë private, kjo është e drejtë e një shteti të BE, pasi lidhet me të drejtat e protestës dhe lirive të njeriut; kjo po.

Deri këtu Athina zyrtare ka të drejtë!

Por kur ministria e Punëve të Jashtme të Greqisë ankohet se po shkelen të drejtat e minoritetit grek në Zvernec, kjo është flagrante e padrejtë, pasi përveç Himarës, Greqia quan tokë të minoritetit grek edhe Zvernecin!!

Zverneci është si edhe Himara, tokë shqiptare.

Incidentet, sipas mediave sociale shqiptare, shpërthyen gjatë një proteste të banorëve kundër krijimit të resorteve në një plazh në zonë, ndërsa sipas Ministrisë së Punëve të Jashtme Greke, ato kishin të bënin me të drejtat e pronës së banorëve. Incidentet rezultuan në plagosjen – ndër të tjera – të një shtetasi grek.

Ditën e djeshme (30/5), dhjetëra qytetarë dhe aktivistë demonstruan në Zvernec ku zona është bllokuar dhe qasja në plazhin Dalani është ndërprerë.

Protesta ishte një vazhdim i reagimeve të banorëve dhe aktivistëve kundër resorteve turistike që planifikohen të ndërtohen në këtë zonë.

Në vendngjarje kishte forca të shumta policie, si dhe burra të paidentifikuar me kapuç, të cilët, siç shihet në video, e tërhoqën me forcë një protestues në zonën e ndaluar.

Diplomacia greke reagoi menjëherë nëpërmjet Ambasadës Greke në Tiranë, pasi u sigurua menjëherë e gjithë ndihma e nevojshme për trajtimin e shtetasit grek të plagosur dhe iu bënë përfaqësime zyrtare palës shqiptare, me Athinën që kërkoi një sqarim të plotë të incidentit dhe ndëshkimin e personave përgjegjës.

Ministria e Punëve të Jashtme vëren, megjithatë, se përgjigja e parë pozitive nga autoritetet shqiptare është regjistruar tashmë.

Gjithashtu, ministria në njoftimin e saj e lidh drejtpërdrejt incidentin me procesin e pranimit të vendit fqinj në Bashkimin Evropian, duke vendosur dy kushte themelore.

Së pari, ekziston një nevojë e domosdoshme për respekt të plotë të sundimit të ligjit, i cili përfshin pa ndryshim mbrojtjen e të drejtave dhe pronës së anëtarëve të Minoritetit Kombëtar Grek.

Dhe së dyti, nënvizohet rëndësia e mbrojtjes efektive të zonave të mbrojtura mjedisore (meqenëse zona e Zvërnecit është një ekosistem i rëndësishëm).

Ministria e Punëve të Jashtme përfundon duke sqaruar se përputhshmëria e plotë e Shqipërisë me acquis evropiane në fushat e mësipërme përbën një kusht të paprekshëm për çdo përparim në procesin e saj të pranimit.

Pra Athinës zyrtare i doli “peshku” në Zvernec për të bërë presion Tiranës zyrtare në lidhje me negociatat dhe sidomos me kufirin detar.

Investimi në Zvernec dhe ishullin e Sazanit do jetë disa miliarda dollarë dhe në pak vite turizmi në këto zona të Jugut të Shqipërisë do ta “thajë” turizmin e Korfuzit (Greqi).

Këtë hall ka Athina zyrtare dhe jo hallin e një minoritari që paska dalë, edhe me të drejtë, aty te gardhi me hekura.

Gjithsesi ajo që ndodhi në Zvernec është i dënueshëm, sidomos pjesa ku duket merret zvarrë një qytetar shqiptar.

Për të qenë korrekt me fjalën, investimi në Zvernec, sipas Kompanisë, do të punësojë afro 10 mijë veta, çka do jetë zhvillim i jashtëzakonshëm për zonën, por edhe për turizmin shqiptar.