Protesta e opozitës, të dielën më 2 qershor

Fronti Opozitar ka vendosur që protesta kombëtare të zhvillohet ditën e diel, më 2 qershor. Të shtunën krerët e opozitës vendosën që protesta të mbahej më datën 31 maj. Shtyrja e protestës është propozuar nga drejtues të opozitës për respektuar besimtarët myslimanë në vend, pasi data 31 është Nata e Kadrit.

Burime nga opozita bën me dije për “Koha Jonë” se “protesta kombëtare do të mbahet më date 2 Qershor 2019, ora 19.00, përpara Kryeministrisë”.

Ndërkohë më datën 1 qershor Partia Socialiste ka njoftuar se do të mbaj mitingun hapës të fushatës elektorale për zgjedhjet lokale të 30 qershorit.

Burime nga opozita thanë se data 1 qershor u shmang për protestën, pasi këtë ditë është Festa e Fëmijëve. Pas protestës së të shtunës së kaluar, tubimi i radhës pritet të jetë edhe më masive. Opozita kërkon largimin e kryeministrit Edi Rama dhe krijimin e një qeverie tranzitore që do të çojë vendin në zgjedhje të parakohshme.