Dejan Kulusevski është kthyer të flasë për lamtumirën e Cristiano Ronaldo-s nga Juventusi. Në një intervistë të dhënë në Suedi, sulmuesi i bardhezinjve është shprehur se e kanë harruar CR7-ën.
“Të them të drejtën, nuk ndihet shumë, sepse nuk mendojmë për këtë. Mendoj vetëm se duhet të fitojmë ndeshjet, jo kur është dhe nuk është. Ka qenë shumë e bukur të luash me të, është një lojtar i madh dhe një person fantastik, por nuk mendojmë më për largimin e tij”, deklaroi suedezi për Sportbladet.
Kulusevski ka marrë jo pak kritika këtë sezon për formën aspak të mirë, ndaj dhe emri i tij është shfaqur edhe në listën e skuadrës së Tottenham. “I lumtur që ka interesim nga ekipet e tjera”, ka shtuar sulmuesi.
