Laçi mori një barazim pa gola në transfertën ndaj Petrocub, duelin e parë të turit të dytë të Conference League.
Kurbinasit e nisën mirë sfidën, por u penalizuan nga mesfushori Renato Spahiu, që mori kartonë të verdhë në minutat 17-të dhe 28-të duke lënë skuadrën e drejtuar nga Shpëtim Duro me një futbollist më pak për më shumë se një orë lojë.
Në fraksionin e dytë bardhezinjtë patën disa raste për të gjetur golin, por Adeleke në një moment nuk shfrytëzoi siç duhet krosimin e Mentor Mazrekaj.
Në fundin e ndeshjes, portieri i kurbinasve Dajsinani u bë protagonist me disa pritje spektakolare. Laçi do të luajë në shtëpi ndeshjen e kthimit të turit të dytë të Conference League në stadiumin “Elbasan Arena” më 28 korrik.
