Qentë e Policisë së Shtetit kanë emrat më të lezetshëm (LISTA)

Policia e Shtetit, përveç oficerëve dhe efektivëve, ka në shërbimin e saj edhe qenë që luftojnë krimin me të katra putrat.

Disa prej tyre, 11 për të qenë më të saktë, janë “shkarkuar nga detyra” dhe janë në ankand për të gjithë të interesuarit që duan t’i blejnë. Kanë shërbyer në njësi të ndryshme që nga repartet speciale e deri tek pikat e kalimit të kufirit. Çmimet variojnë nga 8,000 lekë deri në 15,000 lekë.

Qeni më i vjetër është Orsa, e cila ka shërbyer për dhjetë vitesh, ndërsa më i riu është Doneri që shërbeu vetëm gjatë këtij viti.