Stilistja më e mirë e… të vdekurve (FOTO)

Rino Terai, fitoi konkursin në ekspozitën më të madhe funerale në Japoni. Kjo ekspozitë ka të bëjë me ritualet “Shinto”, e përqendruar në veshjen e të vdekurve, e kjo për të pastruar shpirtrat e tyre përpara se të nisen në botën tjetër.

23-vjeçarja mundi tre finalistët e tjerë në garën e së enjtes. Veprimtaria feston artin e pastrimit të shpirtrave të trupave të vdekur, sipas fesë etnike japoneze të Shintout.

Pas garës rituale, Terai tha se: “Praktikohesha çdo ditë për t’u përgatitur për këtë konkurs. Kam parë video dhe kam pyetur veten, a duket e bukur kjo? A po e trajtoj të ndjerin me dashamirësi?”

Sipas ritualit “Shinto”, thuhet se shpirti është i papastër pas vdekjes. Procesi i veshjes së një trupi, zakonisht ndodh vetëm para të afërmve. Ka kërkesa të mëdha për ndërmarrjet në Japoni për shkak të popullsisë së vjetër në vend.

Finalistët u gjykuan se sa mirë i veshnin trupat pa zbuluar shumë lëkurën. Sigurisht që nuk ishin trupa të vdekur, por vullnetarë të gjallë të shtrirë në dyshekë. Tre gjyqtarët vunë re përpjekjet e tyre mbi procesin e veshjes. Akane Matsuda, e cila vëzhgoi garën, tha: “Lëvizja e duarve të tyre ishte me të vërtetë e bukur”.

R.SH