Vepra e Da Vinçit nxirret në ankand për 100 milionë dollarë

Ishte shitur për vetëm 50 dollarë në vitin 1958 dhe tani ka një vlerë prej 100 milionë dollarësh. Vepra “Salvator Mundi” i Leonardo Da Vinçit, një pikturë e Jezu Krishtit, është cilësuar nga shtëpia e ankandeve ‘Kristis’ si rizbulimi më i madh artistik i shekullit të 21-të

Aktualisht ajo është ekspozuar në shtëpinë e ankandeve ‘Kristis’, në Londër para se të dalë në shitje, muajin e ardhshëm në New York. Vepra është një nga më pak se 20 pikturat e njohura të Leonardos dhe e vetmja që ka qenë në pronësi private.

Vepra është besuar gjithnjë se ekzistonte, por vendndodhja e saj nuk dihej, deri në rishfaqjen e saj në viton 2005. Në 1958 u shit për 60 dollarë në një ankand të ‘Shotheby-t’, para se të zhdukej sërish deri në 2005-ën, kur u ble nga një shoqëri amerikane në një shtëpi të vogël ankandesh. Ajo do të dalë në ankand më 15 nëntor në ‘Rokfeller plaza’ në New York.