VIDEO/ ”Unë erdha, u krye”! Berisha me pritje entuziaste nga deputetët në Kuvend: Nuk kam qenë kurrë non grata

Sali Berisha u prit në sallën e Kuvendit me duartrokitje nga deputetët e PD-së. Menjëherë kreu i PD-së u ngjit në foltore dhe tha: ”Unë erdha, u krye”, duke shkaktuar ovacione tek demokratët. I pyetur nga gazetarët nëse i ishte hequr ”Non-Grata”, Berisha nuk pranoi të përgjigjet. Ai u pyet disa herë nëse ka pasur ndonjë komunikim me Shtetet e Bashkuara, por nuk komentoi.

Pas fjalës së tij në Kuvend, kreu i PD dha një prononcim për gazetarët jashtë ambienteve të Parlamentit, ku sqaroi heqjen e non gratës nga SHBA.

“U ktheva! Nuk kam qenë kurrë non-grata në SHBA, ka pasur vetëm një ndalim hyrje. Kam pasur komunikim zyrtar”, tha Berisha për gazetarët jashtë Kuvendit.

Ndërkohë edhe Partia Demokratike ka lajmëruar se Departamenti amerikan i Shtetit ka hequr non gratën për Sali Berishën, të shpallur 5 vite më parë, nga ish-sekretari i shtetit, Antony Blinken. Sipas mediave, ky vendim i është komunikuar Berishës në një bisedë telefonike 15 minutëshe nga e ngarkuara me punë e SHB-ve Nany Van Horn.