Luiza Gega arrin një tjetër sukses në pistë dhe fiton medalje të artë. Ajo u shpall kampione e Ballkanit në eventin e organizuar në Kraiova të Rumanisë.
Atletja shqiptare vendosi edhe një rekord kampionati në garën e 3000 metrave me pengesë me kohën 9 minuta 17 sek 91 të qindta. Kjo është koha e dytë më e shpejtë e realizuar deri më tani nga atletja shqiptare.
“Shumë e lumtur për fitoren, për ndjesinë e mirë gjatë garës dhe më e motivuar se kurrë për objektivat e radhës. Faleminderit të gjithëve që vazhdojnë dhe mbështesin rrugëtimin tim”, shkruan në rrjete sociale.
