Papa Françesku teksa shpreh me mimikë mërzitjen dhe zhgënjimin prej faktit se Presidenti francez Emmanuel Macron e la të priste dhe kjo video është bërë virale në rrjet.
Papa duket i shqetësuar dhe në vazhdimësi sheh me sy karrigen e zbrazët të Macron-it pranë tij. Kamera zmadhon fytyrën e vrenjtur të Papës, ndërsa në sfond janë flamujt e Francës, BE-së dhe Vatikanit pas tij.
Pas një minutë e gjysmë, Papa ngrihet nga vendi dhe përshëndet Macron, i cili hyn me shpejtësi në dhomë. Nëse Papa buzëqeshi pas momentit të sikletshëm, komentuesit në Itali nuk e kursyen aspak Macron, duke e cilësuar fyes faktin që e la Atin e Shenjtë të priste aq gjatë.
