“Notre Dame” mbetet pa statuja (FOTO)

Statujat fetare të vendosura në krye të Katedrales “Notre Dame” në Paris, janë dashur të hiqen për herë të parë në mbi një shekull, si pjesë e punimeve për restaurimin e kullës së madhe të monumentit.

Një vinç 100 metra i lartë uli me kujdesin maksimal statujat e bakrit që përfaqësojnë 12 apostujt dhe 4 ungjilltarët, në një kamion që do t’i transportonte më tej, duke i ofruar publikut një pamje të rrallë nga pranë, për herë të parë këtë të enjte.

Statujat shihen normalisht në mbarë Parisin nga pika më kulmore e Katedrales 96-metërshe të lartë “Notre Dame”. Statujat, të cilat janë 3 metra të larta vet, janë dërguar në jugperëndim të Francës për t’u restauruar, në një projekt rinovimi që kap shifrën e 6 milionë eurove.