Një doganier, dy efektivë policie dhe dy shtetas nga Kosova janë arrestuar pasi lejuan kalimin e mallrave kontrabandë nga Morina.
Mësohet se ata u kapën në flagrancë Qafë Morinë, duke transportuar me automjet, mallra të kontrabanduara (xhama dyersh dhe dritaresh), të cilat i kishin kaluar nga pika kufitare, duke korruptuar doganierin dhe dy punonjës të Policisë Kufitare.
Kundrejt përfitimit të shumave monetare doganieri dhe dy policët lejuan kalimin e mallrave të kontrabanduara nga dy kosovarët banues në Pejë.
