Mbrojtësi i majtë i Anglisë, Luke Shaw, ka luajtur me brinjë të thyera në “Euro 2020” në tri ndeshjet e fundit kundër Ukrainës, Danimarkës dhe Italisë. Ylli i United ishte një prej më të mirëve në ekipin e Southgate gjatë kësaj vere duke dhuruar 3 asiste në 6 ndeshje.
Sipas “The Telegraph”, 26-vjeçari është dëmtuar kundër Gjermanisë në 1/8-at dhe ndeshjen çerekfinale kundër Ukrainës, Danimarkës në gjysmëfinale dhe finalen me Italinë, i ka luajtur me fraktura në brinjë, duke shtrënguar dhëmbët për skuadrën.
Mbrojtësi vijon të jetë me pushime, ndërkohë që do të kryejë një kontroll pas rikthimit për të kuptuar shkallën e dëmtimit.
