Nuk kanë fund lajmet e këqija te skuadra e Milanit. Ismael Bennacer ka mbyllur sezonin. Mesfushori algjerian dëmtoi gjurin gjatë derbit ndaj Interit dhe u detyrua të largohej nga fusha në minutën e 18-të.
Largimi i tij dobësoi edhe më shumë mesfushën e Milanit, që do të vuante shumë. 25-vjeçari do t’i nënshtrohet një ndërhyrjeje kirurgjikale dhe do të qëndrojë të paktën 3 muaj jashtë fushave. Në rastin më të mirë.
Trajneri i Milanit nuk do të ketë të gatshëm një ndër lojtarët më të mirë për sfidën e kthimit ndaj Interit në Champions dhe për takimet e mbetura në kampionat.
