Ministri i Mbrojtjes, Niko Peleshi bën me dije se strukturat e Mbrojtjes Civile ndodhen në terren për t’u ardhur në ndihmë punonjësve vendorë.
Ndihma është veçanërisht në bashkitë ku reshjet e dendura të shiut, të rëna me intensitet të lartë në orët e fundit, kanë shkaktuar probleme.
Ministri u shpreh se puna po vijon në Tiranë e Durrës, ndërsa po mbahet nën monitorim niveli i lumenjve Lana, Erzen e Ishëm. ”Jemi në gatishmëri të plotë për të shmangur çdo problematikë nga moti i keq, që ka përfshirë edhe Evropën”,-tha Peleshi.
