Dajlinda Dihajt i është besuar motoambulanca, që është shërbimi më i ri i Urgjencës Kombëtare. Me këtë mjet, me funksion të ri për vend, ajo dhe kolegët e saj synojnë të japin ndihmën e shpejte brenda 7 minutave nga marrja e thirrjes. Motoambulancat janë modeli më i ri i shërbimit të Urgjencës Kombëtare.
Skënder Brataj, kreu i Urgjencës Kombëtare na tregon se çfarë pajisjesh përmban motori ambulancë për të dhënë ndihmën e parë në rrugë apo banesë. 4 janë motoambulancat e para të stacionuara pranë Urgjencës Kombëtare.
Ky shërbim do të përdoret kryesisht në Tiranë, ndërsa në periudhën e verës mund të zhvendosët në zonat bregdetare për shkak të fluksit të pushuesve dhe urgjencave.
