Ajo është një ndër shqiptaret më të njohura në botë. Fjala është për Bebe Rexhën, e cila mendoi që të mos paraqitej fare në ndarjen e çmimeve “MTV VMA 2023”, në mënyrë që të shmangte komentet e njerëzve mbi peshën e saj.
“Jam shumë në ankth dhe e stresuar për paraqitjen në tapetin e kuq. Njerëzit do të flasin për peshën time, sepse nuk po e dua shumë veten në këto momente”, tha këngëtarja 34-vjeçare, duke shtuar se nuk e dinte nëse do të merrte pjesë në ceremoni.
Si përfundim, Rexha vendosi të paraqitet në ceremoninë e së martës në një prej eventeve më të rëndësishme muzikore. Ajo ishte nominuar për bashkëpunimin më të mirë muzikor për këngën e saj me David Guetta, që mban titullin “I’m Good (Blue)”.
