Dy persona kanë rënë në pranga, për veprat penale “Fshehja e të ardhurave” dhe “Punësimi i paligjshëm”. M.U, 38 vjeçe, banuese në Kukës dhe H.U, 49 vjeç, lindur në Turqi dhe banues në Kosovë.
Këta persona e kishin regjistruar subjektin e tyre me fushë veprimtarie fast-food, por në periudha të ndryshme e kanë përshtatur si klinikë dentare dhe kanë ushtruar aktivitet të palicencuar, duke shmangur detyrimet tatimore.
Në cilësinë e provës materiale u sekuestruan pajisjet dentare. Materialet i kaluan Prokurorisë së Rrethit Gjyqësor Kukës, për veprime të mëtejshme.
