Ish-kryeministri i Maqedonisë së Veriut, Nikola Gruevski, i cili është azilant në Hungari, në mungesë është dënuar me 9 vite burg për rrënimin e kompleksit “Kosmos” të biznesmenit Fijat Canoski.
Krahas Gruevskit, Gjykata Penale e Shkupit me dënim me burg ka dënuar edhe ish-Ministrin për Transport dhe Lidhje, Mile Janakievski, me 3 vite, ndërsa ish-kryetarin e Komunës së Gazibabës, Toni Trajkovski dhe inspektoren e ndërtimit Elisaveta Najdovska me katër vite.
Të gjithë akuzohen për veprën penale keqpërdorim të detyrës dhe autorizimeve zyrtare.