Jo vetëm embargon e naftës, por SHBA-ja po ashtu po përpiqet që të parandalojë Moskën të shesë rezervat e saj të arit për t’i rezistuar sanksioneve dhe kufizimeve të monedhës.
Ari mund të përfaqësojë një litar shpëtimi për Rusinë, por një projekt-ligj dypartiak, i nënshkruar si nga demokratët, ashtu edhe nga republikanët, kërkon që çdo transaksion i arit me bankën qendrore ruse të parandalohet.
Joe Biden po përgatitet të ndalojë importet e naftës ruse pa pjesëmarrjen e aleatëve evropianë tashmë sot. Kjo është raportuar nga agjencia Bloomberg duke cituar disa burime, sipas të cilave ndalimi përfshin edhe gazin natyror të lëngshëm dhe qymyrin.
