Këtë të enjte u hodh shorti i Champions League dhe për herë të parë që nga viti 2005, skuadrat e Lionel Messi dhe Cristiano Ronaldo nuk ishin pjesë e ekipeve që do të garojnë me njëri-tjetrin.
Portugezi luan në Arabinë Saudite për Al Nasr që nga viti i kaluar dhe argjentinasi zgjodhi dy muaj më parë të largohej nga Evropa dhe të luante në SHBA për Inter Miami.
Lionel Messi ka luajtur në Champions League nga viti 2005 deri në 2023 dhe Cristiano Ronaldo nga 2003 në 2022. Argjentinasi ka fituar Champions League 4 herë dhe portugezi ka 5. Cristiano Ronaldo është golashënuesi më i mirë i turneut me 140 gola, i ndjekur nga Lionel Messi me 129.
