Manchester United ka nisur të mendojë për merkaton e verës së ardhshme. “Djajtë e Kuq” pritet të humbasin shërbimet e Paul Pogba në mesfushë, teksa mesfushorit i përfundon kontrata më 30 qershor dhe me shumë mundësi do të nisë një aventurë të re te Real Madrid, apo mund të rikthehet sërish te Juventusi.
United kërkon që të përdorë të njëjtën strategji për të rrëmbyer Kessie nga Milani në fundin e sezonit. Mesfushorit nga Bregu i Fildishtë i përfundon gjithashtu kontrata ndaj dhe mund të transferohet falas. Kessie ka karakteristikat e duhura për trajnerin Solskjaer, për të qenë një mesfushor me peshë dhe që të dominojë repartin e mesfushës. /R.Lika-Koha Jone/
