Aleanca për Teatrin këngë për qëndresën ndaj qeverisë: Do t’ia mbërrijmë ta rikthejmë aty ku ishte dhe siç ishte

Aleanca për Teatrin shprehet e bindur se do t’ia dalë në misionin e saj për ta rikthyer godinën e Teatrit Kombëtar aty ku ishte dhe siç ishte. Nisur nga kjo, Aleanca ka kompozuar së fundmi një këngë për qëndresën e saj 3 vjeçare ndaj harbutërisë dhe barbarisë qeveritare e cila nuk hoqi dorë nga shembja e godinës historike në qendër të kryqytetit shqiptar.

Reagimi

TEATRI JEMI NE! Ne nuk jemi kundër zhvillimit, jemi kundër shkatërrimit të vlerave historike, kulturore të trashëgimisë dhe të identitetit kombëtar.

Jemi kundër shkeljes së ligjit, të së drejtës dhe rrënimit të demokracisë.

Ringritja e Teatrit është domosdoshmëri, për demokracinë e brishtë shqiptare.

Si simbol i Trashëgimisë Kulturore, historisë së Teatrit dhe Artit shqiptar, qëndresës qytetare, shtetit të së drejtës, vlerave dhe demokracisë.

Si simbol i ndërgjegjes së shëndoshë, i fitores së së mirës ndaj së keqes.

Ndaj ne do t’ia mbërrijmë ta rikthejmë Aty ku Ishte dhe siç Ishte!

TEATRI ËSHTË BRENDA NESH