Alimadhi: Murrizi dhe disa deputetë janë shtojca e Ramës

Seanca për ndryshimet në Kushtetutë po shoqërohet me debate të ashpra mes deputetëve të së ashtuquajturës opozita parlamentare.

Adriatik Alimadhi, i cili denoncoi falsifikimin e firmave të deputetëve që kanë kërkuar ndruyshimet, ka replikuar ashpër me Myslim Murrizin.

Gjatë kohës që në seancë vijojnë fjalimet, deputetët kanë replikuar mes tyre për nismën që synon shkatërrimin e procesit zgjedhor.

Alimadhi tha se Murrizi dhe disa deputetë të tjerë janë shtojca të Edi Ramës.

Ndërsa deputeti Artur Roshi kundërshtoi sot nismën e PS për ndryshimet në Kushtetutë. Në fjalën e mbajtur në Kuvend, Roshi tha se kryeministri Edi Rama po sillet njëlloj si presidenti rus, Vladimir Putin, duke përjashtuar opozitën nga vendimmarrja reale dhe proceset zgjedhore.