Andi Bushati: Lexoni Venecian për të kuptuar në çfarë regjimi erdoganesk jetojmë

Gazetari Andi Bushati shprehet se për të kuptuar nivelin e qeverisë së Edi Ramës, mjafton të lexoni raportet e Komisionit të Venecias që tregon se çfarë regjimi është instaluar në vend.

“Doni të kuptoni në çfarë regjimi erdoganesk jetojmë, mos besoni opozitën, por mjafton të lexoni raportet e Komisionit të Venecias se si një njeri i vetëm do të kapë edhe mediat edhe Gjykatën Kushtetuese, do të shkarkoje dhe kreun e shtetit…”,- shkruan Bushati në një postim në Facebook.

Ditën e sotme Komisioni i Venecias ka publikuar një raport për ligjin e propozuar nga Edi Rama për median. Ekspertët e pavarur të Venecias shprehen se ligji synon kontrollin e mediave nga qeveria.