Ardi Veliu shkarkon nga detyra kreun e Policisë së Sarandës

Kreu i Policisë së Shtetit, Ardi Veliu, ka shkarkuar nga detyra shefin e komisariatit të Sarandës, Syrja Bello.

Një ditë më parë, kreu i qeverisë Edi Rama me një gjuhë të ashpër, solli në vëmendje rastin e sulmit me armë në bar “Orange”, dhe tha se ka pronarë lokalesh që tërheqin prej hunde shefa komisariatesh ndërsa ka kërkuar që të shkarkohet zinxhiri komandues në Sarandë.

Mësohet se në vend të Bellos është emëruar Klodian Kondi.

Ndryshime ka pasur edhe në drejtorinë e Korçës, ku vendin e zëvendësdrejtorit Hamdi Fjore, i cili u emërua drejtor në Kukës, e zë Ferdinant Zëre.