AUDIO/ Media ndërkombëtare jehonë thirrjes së pedagogut shqiptar: Po shkohet drejt një përballjeje civile

Thirrja e dhimbshme e një pedagogu universitar që sheh vendin e tij të prirur drejt korrupsionit, varfërisë e kriminalitetit. “Vendi po shkon drejt një përballjeje civile”.

Kështu shprehet për mikrofonin e Radio Vatikanit pedagogu dhe analisti Agron Gjekmarkaj.

Çfarë po ndodh në Shqipëri? Nga Italia po dëgjojmë lajme të këqija. Në dhjetor studentët dalin në rrugë kundër korrupsionit, kundër provimeve që merren me para ose me favore seksuale.

Më pas zbreet opozita në shesh. Kujtojmë që në qeveri është Partia Socialiste, ndërsa në opozitë Partia Demokratike, parti e qendrës së djathtë. Çfarë po ndodh në Shqipëri z.Gjekmarkaj?

“Fatkeqësisht, ato që thatë janë të gjitha të vërteta. Ta themi në mënyrë të shpejtë, korrupsioni është përhapur kudo. Kryeministri ka goditur shtetin e së drejtës. Polici, prokurori dhe gjyqtarti janë bërë e njëjta gjë në emër të një reforme gjyqësore që ka bllokuar gjithçka.

Më pas dolën dosjet ku shfaqeshin persona me precedentë penalë që ndërhynin në zgjedhje çka e bën ilegjitime qeverinë. Deputetët e opozitës po djegin mandatet dhe është një rast i paprecedentë.

Ka një qetësi të brishtë e nëse vazhdohet kështu mund të shkohet drejt një përballje civile”, shprehet ndër të tjera pedagogu dhe analisti Agron Gjekmarkaj.

Intervista radiofonike e plotë, pas minutës së 32’50 sekonda: