Basha: Hapja e kordonit policor, plan i Ramës për të nxitur dhunën

Kreu i PD, Lulzim Basha në një reagim për incidentet para Kryeministrisë deklaroi se hapja e kordonit policor është plan i Rames për të nxitur dhunën.

Deklarata e Bashës: Ministri i Brendshëm e di fare mirë që kordoni i policisë ka hapur radhët për të krijuar një skenë të tillë. Siç e shikoni rrinë duarkryq sepse kanë një skenar për të nxitur dhe për të stimuluar dhunë. Ka nisur para katër ditësh me deklarata të papërgjegjshme të Policisë, ka vazhduar gjithë mbrëmjen e djeshme, ditën e sotme, gjatë kohës që kanë qarkulluar protestuesit. Dhe tani ndërkohë që protesta filloi plotësisht në mënyrë paqësore dhe s’kam asgjë me efektivët, se efektivët kanë marrë lule nga ne në fillim të protestës. Ndërkohë me presionin më të vogël të turmës, që natyrisht që janë të irrituar sepse janë banorë të Unazës së Re, kanë shkuar për t’u prishur shtëpitë për t’u vjedhur 18 milionë euro, papritur shohim që hapet kordoni policor. Kjo do të thotë që ka një plan për të nxitur dhunë. Ka një plan për të nxitur dhunën që t’i drejtojë gishtin e akuzës opozitës dhe kjo është e papranueshme.

• Autoblinda dhe tela me gjemba, policia rrethon Kryeministrinë (FOTO)
• Opozita protestë para Kryeministrisë, Rama provokon nga Vlora
• Deutsche Welle: Protestë masive e opozitës për rënien e qeverisë Rama
• Deputetja e PS fyen protestuesit: Këta nuk kanë asnjë lidhje me qytetërimin
• Basha mbërrin pranë selisë së PD: Protestuesit nuk i ndal asgjë
• Provokon Rama, nis takimin në Vlorë në të njëjtën orë me protestën e opozitës
• Mesazhet e zgjedhura nga mbështetësit e opozitës
• Rama si Maduro, të rinjtë e PD ironizojnë me “meme”
• Zëri i Amerikës transmeton live protestën e opozitës, “bojkoton” Ramën në Vlorë