Basha hermetik për takimin me zv/ambasadoren amerikane: Rama të largohet

Kreu i Partisë Demokratike, Lulzim Basha, u tregua hermetik lidhur me takimin që pati gjatë paradites me zv/ ambasadoren amerikane në Tiranë Leyla Moses Ones.

“Nuk bëj asnjëherë komente as mbi deklaratat dhe as takimet periodike që kemi me partnerët strategjikë”, u shpreh kryedemokrati Lulzim Basha.

Teksa  kryeministri Edi Rama nga “Porta a Porta” e quajti miku im, Basha thotë se populli ka folur dhe kryeministri është shkaktar i kësaj krizë të shumfishtë në vend.

“Populli ka folur edhe dje, do të flasë çdo protestë, do të flasë dhe me 16 mars. Edi Rama bën mirë të dëgjojë zërin e popullit dhe ti hapë rrugë zgjidhjes politike. Ti zgjidhë duart drejtësisë dhe të lejojë hetimin deri në fund të dosjes “339” dhe dosjes “184”. Natyrisht e di se nuk është në gjendje ta bëjë këtë sepse është pjesë e kësaj dosje. Ndaj zgjidhja kur të gjitha pushtetet janë të kapura mbetet në dorë të popullit. Populli do të vazhdojë të ketë në dorë fatin e tij derisa të kemi çlirimin e Shqipërisë nga krimi, një parlament dhe qeveri të zgjedhur nga populli dhe jo nga kriminelët”, deklaroi Lulzim Basha.

https://www.facebook.com/lulzimbasha.al/videos/405166576942752/