Basha mbledh aleatët e PD një ditë pas raportit të OSBE/ODIHR

Takime intensive janë duke u zhvilluar në selinë e Partisë Demokratike.

Ditën e sotme kryedemokrati Lulzim Basha pritet të zhvillojë një takim me aleatët e tij opozitarë.

Mbledhja do të mbahet në seli rreth orës 19:00.

Opozita ka paralajmëruar nisjen e aksionit opozitar në vjeshtë.

Takimi me aleatët opozitarë vjen një ditë pasi OSBE/ODIHR publikoi raportin për procesin e 30 qershorit, ku opozita vendosi të mos garojë me kandidatët e saj.

Një ditë më parë kryedemokrati Basha zhvilloi një takim me Drejtorin e ri të Zyrës së Europës Jugore dhe Qendrore në Departamentin e Shtetit, David Kostelancik.

Në një reagim në “Twitter”, kryedemokrati Basha tha se fokusi i bisedës me zyrtarin e lartë u përqendrua tek dhënia fund e pandëshkueshmerisë së politikanëve, rikthimin e sundimit të ligjit, por edhe forcimit të partneritetit strategjik mes Shqipërisë dhe SHBA.