Basha mbledh kryesinë: Largimi i Ramës, emergjencë kombëtare

Kreu i PD, Lulzim Basha ka mbledhur këtë të diel kryesinë e partisë për të diskutuar mbi organizimin e protestë së 16 marsit.

“Në vend nuk ka normalitet. Për Ramën asnjë minutë qetësi. Shqipëri me parlament monoparti dhe qeveri të kapur me krimin nuk pranojmë”, mësohet se ka thënë Basha.

Në lidhje me organizimin e protestës së 16 marsit, Basha ka kërkuar që të kontaktohen sa më shumë njerëz.

“Të mbajmë lart frymën anti-qeveri, të bëjmë për vete elitën e çdo fushë. Gjithçka në funksion të aksionit politik dhe protestave. Largimi i Ramës është çështje e emergjencës kombëtare”, ka thënë Basha.