Basha u përgjigjet diversioneve të kryeministrit: Me Ramën nuk ka ndryshim

Kryeministri Edi Rama nisi sot diversionet e zakonshme të tij kundër opozitës. Në takimin e zhvilluar në Dibër, kryeministri tha se “pas 25 prillit bashkëpunoj me Bashën nëse shkëputet nga Berisha dhe Meta”.
Ndërkohë kreu i PD deklaroi sot gjatë takimit me banorët në Paskuqan se nuk ka ndryshim me Edi Ramën.
“8 vite dështime! Më 25 prill, votoni ndryshimin! Votoni 9! Nuk ka ndryshim pa hapur rrugën europiane të Shqipërisë. Energjinë e ndryshimit çojeni në çdo shtëpi. Me Ramën nuk ka ndryshim! Por dimër ekonomik, papunësi, varfëri. Me Ramën nuk ka ndryshim! Ndryshimi do të bëhet i mundur kur ju të votoni numrin 9”,- tha kreu i PD-së.