Basir Çollaku: Plumba biznesmenit të rëndësishëm. Reagon policia: Nuk ka asgjë të vertetë!

Politikë E Mërkurë, 11 Gusht 2021 20:51

Nga Basir Çollaku-

Një biznesmen i rëndësishëm ka qenë shenjëster e një atentati, jo me shumë se 7 ditë më parë në Tiranë. Sipërmarrresi ka shpëtuar, por jo pa lendime, duke qenë jashtë rrezikut të jetës. Policia ka mundur të fshehë transparencën, për të mbërritur te autorët, ndoshta për arësye sigurie të rrezikut ende prezent. Autorët kanë qëlluar jo për ta plagosur. I dëmtuari është dërguar në perëndim, në botën gjermanike, konkretisht në Austri, për të marrë ndihmë mjekesore të kualifikuar.

Eshtë një përpjekje e përseritur kanosje serioze ndaj biznesmenit, ku disa muaj me parë është qëlluar me armë në një nga bizneset e tij dhe ky lajm ka mbetur në heshtje.

Një tjetër biznesmen u qëllua dy vjet me parë po në kryeqytet, duke shpetuar mrekullisht nga rreziku ekstrem për jetën.

Siguria ekonomike dhe e rendit ka prekur fundin. Dy vjet me parë ishte Mitri Fadii biznesmeni jordanezo-amerikan që do të investonte 2 miliardë dollarë në Durrës, por u dhunua agresivisht dhe iku horizontalisht jashtë nga Shqipëria. Me sa duket tavolina e Nusretit dhe ortaket e 313-es, janë duke ndarë investimet e reja dhe armët janë mjetet e komunikimit, kur mosmarrëveshjet tensionohen..

Biznesmenët ortakë dhe klientë të qeverisë në pesë vitet e fundit janë ndeshur me kërcenime gjobash të majme dhe kërkesa për të përfshirë ustallare të rinjë si aksionerë në bizneset e tyre. Policia dhe prokuroria me sa duket janë në pafuqi për të ndërhyrë në këto negociata armesh, se ndihen të pafuqishem nga fuqia e krimit.

Shënim i redaksisë KOHA JONE:

Në lidhje me lajmin e gazetarit investigues Basir Çollaku redaksia u interesua pranë Policisë së Shtetit për të mësuar emrin e biznesmenit, por policia tha se nuk ka asnjë ngjarje të tillë. Pra e përgenjështrojnë, nuk ka asnjë ndodhi me ndonjë biznesmen.