Berisha: Përgjimin drejtori ia dha Tahirit, ky ja dha Ramës, Rama ia dha Tomës

Duke iu referuar çështjes së përgjimeve të Kreut të Kuvendit Ilir Meta, Berisha deklaron nga studio e Emisionit “Studio e Hapur” se është ish-Prokurorja Ina Rama ajo që ka realizuar përgjimin dhe se Kryeministri ka qënë në dijeni.

Sipas Berishës, Ina Rama theu ligjin për këtë sepse ajo duhet t’i kërkonte më parë autorizim Kryetares së Kuvendit.

Berisha shprehet edhe për një skemë të mundshme se si ka qarkulluar ky përgjim në duart e funksionarëve të lartë:

“Del një rregjistrim i vitit 2008 i bërë nga Ina Rama. Atë nuk e bënte dot asnjë prokuror tjetër veç Ina Ramës. E rregjistroi, kujt ja dhanë, ja dhanë Edi Ramës. Historia e përgjimit është se një person që sot është drejtor i rëndësishëm i Saimir Tahirir ia dha Tahirit, ky ja dha Ramës, Rama ia dha Tomës”, ka thënë Berisha.