Boçi “thumbon” Kumbaron: Ti dhe ‘Duçja i ri’ s’mund ta rrafshoni Teatrin Kombëtar!

Deputeti demokrat Luçiano Boçi ka reaguar i indinjuar sot ndaj qëndrimit që po mban Ministrja e Kulturës, Mirela Kumbaro, ndaj Teatrit Kombëtar si dhe debatit që ajo ka nisur me artistët; së fundi, deri edhe me një nga artistët e mëdhenj të skenës, Robert Ndrenikës.

Regimi i Luçiano Boçit:

“Më habiti Kumbaroja e Artit pa Kulturë! Nuk na duhet nje Teatër Kombëtar -thotë – në një godinë musoliniane!

Sipas logjikës së kulturës së kësaj ne duhet të zerojmë (me tritol mundësisht) dhe korpusin qendror dhe akademine dhe rektoratin, pse jo bulevardin e pse jo dhe godinat ne vazhdimësi, se stadiumin e kullëzuam, vetëm e vetëm se janë me arkitekturë musoliniane! Dhe në vend të saj të bëjmë arkitekturën ramaniane.

Dmth ta zevëndësojmë Duçen e vjetër me Duçen e Rilindjes.

Duçe për Duçe.

Madje sipas logjikës tënde zonjë, britanikët duhet ta kishin rrafshuar me kohë “Globus-in” “e shëmtuar” të Shekspirit për shkak të arkitekturës!?

Jo moj zonjë jo!!!

Godinat janë histori dhe historia nuk mund të shkërmoqet se do ti dhe Duçja i ri “i shakave të kripura” me nacionalizmën e patriotizmën!

Teatri Kombëtar ndryn brenda histori dhjetra vjeçare dhe ti e Duçja i ri s’mund ta rrafshoni nën delirin tuaj se historia fillon nga ju dhe me makiavelizmin tuaj për të bërë kulla që vetëm ju dini t’i fusni në xhep, e jo më në thes!!!!

Stop marrëzisë që po merr malet…!!!”bën thirrje Boçi në fund të mesazhit të tij.