Braimllari denoncon hyrjen me forcë në Bashkinë e Përrenjasit

Sekretari i Përgjithshëm i LSI-së, Endrit Braimllari ka denoncuar ditën e sotme me foto dhe video hyrjen me forcë nga persona të pa autorizuar, në prezencën e Policisë së Shtetit në ambientet e Bashkisë Përrenjas.

“Kryetari dallkauk dhe Këshilli imagjinar nuk përfaqësojnë qytetarët e Përrenjasit sepse kanë dalë nga një proces farsë dhe monist. Përgjegjësia do të bjerë mbi këdo që dhunon dhe uzurpon institucionet shtetërore.” – shkruan Braimllari në një postim në Facebook.

Postimi i plotë i Braimllarit:

Rilindja nëpërmjet një Kryetari Bashkie imagjinar dhe dallkauk në Përrenjas dhunon dhe uzurpon institucionin e Bashkisë Përrenjas. Në prezencë të Policisë së Shtetit, persona të pa autorizuar kanë dhunuar dhe uzurpuar Bashkinë e Përrenjasit duke sjellë modelin e vërtetë të Rilindjes dhe Edi Ramës: uzurpo, dhuno dhe shkatërro.
Kryetari dallkauk dhe Këshilli imagjinar nuk përfaqësojnë qytetarët e Përrenjasit sepse kanë dalë nga një proces farsë dhe monist. Përgjegjësia do të bjerë mbi këdo që dhunon dhe uzurpon institucionet shtetërore.